Zëvendëspresidenti amerikan, Dick Cheney



Cheney viziton Ukrainën
Zëvendëspresidenti amerikan, Dick Cheney, të enjten ka udhëtuar për në Ukrainë si pjesë e turneut të tij nëpër republikat ish-sovjetike të cilat kanë miqësi me Washingtonin.
Në aeroportin e kryeqytetit ukrainas Kiev, Cheneyn e kanë pritur zyrtarë ukrainas dhe amerikanë, në mesin e të cilëve edhe ministri i punëve të jashtme Victor Ogryzko.

Pjesa zyrtare e vizitës së zëvendëspresidentit amerikan fillon nesër, me ç’rast pritet që ai të takohet me kryetarin e Ukrainës, Victor Yushchenko.

Shërbimi për shtyp i presidentit Yushchenko ka njoftuar se përfaqësuesit e dy shteteve do të flasin për perspektivën e raporteve të Ukrainës dhe SHBA-ve, situatën në Gjeorgji, si edhe problemet e sigurisë ndërkombëtare.